مرحبا دفتر للجيب لمقيمي الأطفال وطلاب السادس حول بعض الحالات السريرية الشائعة و الجرعات و المستحضرات التجارية

مرحبا
هادا الدفتر تم كتابته ع أساس دفتر الدكتور سامر ديوب, المتداول في قسم الأطفال في جامعة حلب.
و هوي من قسمين:
# الأول عن تدبير و تشخيص بعض الحالات الشائعة و شوية شغلات..متل القيم المخبرية الطبيعية.
# و التاني دوائي: فيه فهرسة للأدوية الشائعة الاستعمال نوعا ما, مرتبة أبجديا حسب الاسم اللاتيني العلمي, ثم شوية معلومات عن الجرعات ثم الاسم التجاري السوري عادة و التراكيز و المحضرات الموجودة ثم أحيانا بعض المحاذير, وفي بعض الأدوية أواللقاحات مكتوبة أصلا باسمها التجاري, الأدوية تم التأكد منها قدر الإمكان من النلسون الإصدار 17, و الأدوية غير الموجودة في النلسون (في ملحق الأدوية العائد للدفيتر), تم الإشارة إليها بالرمز *, وتم إدراج معلومات حولها من المرجع الدوائي التجاري السوري أو من الـ BNF, والرمز ↑ يرمز إلى أن الدواء ورد في موضع آخر من الدفيتر و على جانب الرمز تجد الاسم الممكن البحث عنه, و في شوية (مو شوي, شوي كتير) استفهامات تدل على تقاعسنا عن البحث عن الاسم التجاري الموجود أو فكرة غير مفهومة؟؟؟؟؟؟؟؟؟؟؟؟؟؟؟؟؟؟,معليش
وبالتأكيد الدفتر فيه أخطاء, و ربما جسيمة, ماي بي, بس بدي الزملاء يصلحوه أو يضيفو عليه الأدوية الجديدة أو المعلومات الجديدة القصيرة قدر الإمكان و تنزيل النسخة الأحدث
#### بالنسبة للطباعة بحجم A6, كان لازم نصغر الهوامش مشان يضل الدفتر صغير, فكان ممكن تطير الأحرف أثناء تركيب الراصور أو التجليد, فحطيت نسختين للقسم الأول من الدفتر (القسم الدوائي مابدو هالدوخة لأنو هوامشو مقبولة), بحيث الصفحات الفردية زدت فيها الهامش اليميني مشان "الراصور" (حلو اسم الراصور,ما), و الصفحات الزوجية زدت فيها الهامش اليساري مشان الراصور نفسو, بس لازم للطباعة تطبع الصفحات الفردية بس من الملف 1, و بعدين تطبع الصفحات الزوجية فقط من الملف 2, على القفا طبعا, وفيك تطبع الملف على أوراق A4, بحيث تطبع أربع أوراق في صفحة واحدة بشرط يكونو مرتبين على شكل حرف Z, أي من الأعلى و اليسار إلى اليمين ثم الأسفل, ثم تطبع الصفحات الزوجية على القفا بحيث تكون الصفحة 2 ورا الصفحة 1 طبعا , بترتيب على شكل حرف Z بس مقلوب وهيك...,بصراحة شغلة توجع الراس بس تنجح, وهيك بيصير عندك دفيتر صغير ممكن تعتمد عليه شوي إذا تزنقت.
والفهرس بالملف المسمى fahras
القسم الدوائي بالملف المدعو Drugs
شكرا لجماعة مشفى الأطفال في الحسكة .